Arredor de Meirás. Historia ou presente? [Curso de verán da USC]

HISPONA organiza entre os días 16 e 19 de xullo en Sada un Curso de Verán da USC baixo a dirección de Emilio Grandío. As persoas interesadas en matricularse poden facelo en http://www.usc.es/gl/servizos/cultura/veran/ ata o 5 de xullo. O curso, que se celebrará na Casa da Cultura Pintor Lloréns, está patrocinado polo Concello de Sada coa axuda da Deputación da Coruña.

Ao longo de catro xornadas abordaranse en ponencias, mesas redondas e visitas guiadas, diferentes aspectos do Pazo de Meirás, como o proceso polo que rematou sendo propiedade de Francisco Franco, a súa utilización como residencia oficial do Xefe do Estado ou os debates xurdidos a partir da morte do Dictador en relación á súa titularidade. Tamén se afondará en cuestións como a utilidade social dos espazos de memoria e as políticas públicas levadas adiante sobre este tema. O obxetivo das xornadas é posibilitar un espazo de reflexión e debate sobre a natureza do franquismo e as súas consecuencias sociais e culturais no presente.

Presentación dos resultados de Xeración Perdida Pontevedra

O proxecto Xeración Perdida representatividade institucional e represión: As corporacións municipais da II República na Provincia de Pontevedra, asinado polo grupo Hispona coa Deputación Provincial de Pontevedra, xa xerou resultados tanxibles que están a disposición do público na web da propia deputación.

En primeiro lugar destaca unha base de datos dos concelleiros represaliados, con ata 256 resultados que abranguen todas as corporacións republicanas, e diferentes categorías de represión, que van dende o asasinato ao procesamento, pasando polo encarceramento ou o exilio.

Outro dos elementos centrais é unha gran base de datos con todos os concelleiros das corporacións municipais republicanas da provincia. Mais de duas mil entradas que son froito dunha pormenorizada análise da documentación municipal de cada concello.

Isto complétase cun informe por concellos, unha colección fotográfica e uns mapas da represión que poden ser consultados en Xeración Perdida Pontevedra.

Lembramos ademais o proxecto das mesmas características que anteriormente Hispona levou a cabo para a provincia da Coruña, e que leva tempo aberto en Xeración Perdida Coruña.

Workshop “Arredor do 78: Xornadas de reflexión e debate sobre a Transición”

Os próximos días 27 e 28 de novembro HISPONA (Historia Política e dos Nacionalismos) organiza as ‘Xornadas de reflexión e debate sobre a Transición: ARREDOR DO 78’. Aproveitando o corenta aniversario da aprobación da Constitución de 1978 abordaranse diversas temáticas poñendo o foco no ano 1978 ou nos primeiros anos da Transición Democrática. Preténdese que sexa un espazo de presentación de ponencias e, o mais importante, de debate reflexivo sobre o noso pasado recente. Nestas dúas xornadas trataranse temas como o posicionamiento das dereitas ante a Constitución ou a ‘adaptación’ do PSOE nestes anos, pasando por relatorios de investigacións recentes sobre o tema (Ascón, muller, ultradereita…), o rol da prensa ou o papel do Pazo de Meirás.

Terá lugar nas Aulas 5 (martes 27, 12-14 horas e 16 a 18 horas) e Aula 11 (Mércores 28, de 11-13 horas) da Facultade de Xeografía e Historia da USC. A asistencia é libre sen que sexa preciso apuntarse.

PROGRAMA

Martes 27 de novembro

12-14 horas, Aula 5:

-‘As dereitas españolas cara 1978: entre a nostalxia e a acomodación’ (Julio Prada)

-‘1978: cambio e ‘adaptación’ na esquerda española’ (Emilio Grandío)

16-18 horas, Aula 5

Fontes e investigación histórica:

-‘Muller e ¿cambio? socio político’ (Enya Antelo)

-‘ASCON: un conflicto laboral na Transición (Diego Gómez-Aller)

-‘Extrema dereita en Galicia na Transición’ (Arturo Real).

Mércores 28 de novembro

11-13 horas, Aula 11

– ‘Transición política: Apertura e peche da liberdade de información en España’ (Marcos Pérez Pena)

– ‘1978. Arde Meirás. O Pazo na Transición’ (Manuel Pérez Lorenzo)

Workshop “Escribir a guerra: Testemuños persoais e memorias das guerras ibéricas do século XX”

Os próximos días 22 e 23 de novembro HISPONA organiza o workshop internacional “Escribir a guerra: Testemuños persoais e memorias das guerras ibéricas do século XX“. O congreso, organizado en colaboración coa Facultade de Letras da Universidade do Porto e co proxecto de investigación CROME da Universidade de Coímbra, se centrará en analizar a perspectiva dos conflictos bélicos a través de testemuños persoais, abordando exemplos moi diversos, xa sean casos concretos ou maix xerais, que nos permitirán unha ampla variedade de enfoques e enriquecerán os debates, un dos obxectivos centrais das xornadas, que están planteadas como unha mesa redonda.

As xornadas terán lugar no seminario 313 da Facultade de Filosofía da USC, e a asistencia é libre sen que sexa preciso apuntarse.

Este é o programa completo do workshop:

Xoves, 22 de novembro de 2018

16:00 – Albert García Balañà (Universitat Pompeu Fabra): “Guerra colonial, soldados metropolitanos y mujeres enemigas: circulaciones y conexiones entre las experiencias en Cuba y en Filipinas (1881-1897)”.
16:45 – Alfonso Iglesias Amorín (USC / Hispona): “Prous i Vila e Fernández Oxea: recordos “arredistas” da Guerra de Marrocos”.
17:30 – Pausa

18:00 – Miguel Cardina (Universidade de Coimbra): “”Testemunhos sobre a deserção à guerra colonial portuguesa: entre a história e a memória”.
18:45 – Verónica Ferreira (Universidade de Coimbra): “Guerra Colonial 2.0. Para uma análise do testemunho no blog Luís Graça e Camaradas da Guiné”.
19:30 – Debate

Venres, 23 de novembro de 2018

10:00 – David Alegre (Universitat de Girona): “Violencia, trauma y conflicto en el frente de Teruel y su retaguardia durante la Guerra Civil Española, 1936-1938”
10:45 – Verónica Sierra (Universidad de Alcalá): “La batalla de los lápices: una historia de la Guerra Civil española en clave infantil”
11:30 – Pausa

12:00 – Xosé M. Núñez Seixas (USC/Hispona): “Patriota ou traidor? A campaña de Rusia contada por Vladimir Kovalevski, intérprete ruso da División Azul (1941-42)”
12:45 – Manuel Loff (Universidade do Porto): “A maior catástrofe da história portuguesa”: “retornados” e descolonização no discurso público português”
13:30 – Debate e peche

 

A Deputación de Pontevedra e HISPONA presentan a primeira fase de Xeración Perdida

O grupo HISPONA leva meses traballando coa Diputación de Pontevedra no proxecto Xeración Perdida, que ten o obxectivo de rescatar a vida política municipal da provincia na II República e a ruptura que para esta supuxo a sublevación militar de 1936, pola represión que sufriron os seus membros.

Este estudo de largo alcance, que xa está a rematar para a provincia da Coruña, completou xa unha primeira fase. Deste xeito, podemos presentar uns resultados preliminares do traballo xa realizado. Entre eles, o mais salientable é unha base de datos con mais de 200 concelleiros represaliados, que se pode consultar de forma aberta na rede, e que permite pescudar por nomes ou ordenar por concellos ou tipo de represión sufrida.

A web con estes resultados da primeira fase pode ser consultada a través deste enlace.

A transición a debate, curso de verán da USC no que participa HISPONA

O grupo HISPONA participa nos cursos de verán da USC. Concretamente no curso A transición a debate, que terá lugar do 18 ao 20 de xullo, no salón de Graos Juan Linz da Facultade de Ciencias Políticas e Sociais. Son en total 18 horas lectivas e está dirixido polo profesor Manuel María de Artaza Montero. HISPONA colabora coa participación de Emilio Grandío.

Pode facerse a matrícula neste enlace (é o curso número 18), e a continuación tedes o programa completo:

Día 18: A historiografía e os estudos da Transición

9:00 Acreditación e entrega de documentación

9:30 Inauguración

9:45 A historiografía da Transición
Emilio Francisco Grandío Seoane
Profesor Titular de Historia Contemporánea da Universidade de Santiago de
Compostela

10:45 As transicións á democracia e a Transición española
José Ramón Montero Gibert
Catedrático emérito da Universidade Autónoma de Madrid

11:45 Pausa

12:00 A visión crítica sobre a Transición española
José Luis Villacañas Berlanga
Catedrático de Filosofía da Universidade Complutense de Madrid

13:00 A violencia e a Transición española
Xavier Casals i Meseguer
Profesor da Universitat Ramon Llull

14:00 Pausa

16:30 O cine e a televisión da Transición
José Luis Castro de Paz
Catedrático de Comunicación Audiovisual da Universidade de Santiago de Compostela

17:30 Pausa

17:45 Película/documental/fórum

19:45 Fin da xornada

Día 19: O Estado das autonomías: nacemento e desenvolvemento

9:00 Acreditación e entrega de documentación

9:30 O Estado autonómico español en perspectiva comparada
Ramón Máiz Suárez
Catedrático de Ciencia Politica e da Administración da Universidade de Santiago de
Compostela

10:30 O título VIII da Constitución: secretos, falacias e inxenuidades
Roberto Luis Blanco Valdés
Catedrático de Dereito Constitucional da Universidade de Santiago de Compostela

11:30 Pausa

12:00 Violencia política e conformación da autonomía vasca na Transición, 1977-1979
José María Portillo Valdés
Catedrático de Historia Contemporánea da Universidade do País Vasco

13:00 O nacemento e a consolidación da autonomía de Galicia
Xosé Luís Barreiro Rivas
Profesor titular de Ciencia Política e da Administración da Universidade de Santiago de
Compostela

14:00 Pausa

16:30 Presentación da película
Manuel Mª de Artaza Montero.
Profesor titular de Ciencia Política e da Administración da Universidade de Santiago de
Compostela

17:00 Pausa

17:00-19:30 Película/documental/fórum

Día 20: Europa e a transición

9:30 A Transición, España, Europa e o Estado do Benestar
Luis Moreno Fernández
Profesor de Investigación do Consello Superior de Investigacións Científicas

10:30 A participación das comunidades autónomas na Unión Europea
Jesús Gamallo Aller
Director Xeral de Relacións Exteriores e coa Unión Europea da Xunta de Galicia

11:30 Pausa

12:00 Os factores da crise na Transición (mesa redonda/debate)
Ponentes. Modera Cristina Ares Castro-Conde, profesora contratada doutora da
Universidade de Santiago de Compostela

Xornadas 13 estampas de traizón

Os próximos días 1, 2 e 3 de febreiro, a fundación Luís Seoane organiza na Coruña as xornadas 13 Estampas de traizón, Guerra Civil, propaganda e artistas de Galiza. Nelas participará o membro de Hispona Emilio Grandío e o noso colaborador Eliseo Fernández, entre outros especialistas que compoñen un excelente cartel.

A inscripción é de balde e só require que cubrades o formulario que podedes descargar neste enlace.

O soño roto, a unidade didáctica sobre a II República en Compostela, aberta na rede

O Concello de Santiago e o grupo de investigación HISPONA publican de forma aberta na rede a unidade didáctica O soño roto. Educación, sociedade e política na Compostela republicana. Este traballo, elaborado por Emilio Grandío Seoane e Alfonso Iglesias Amorín, quere axudar a dar a coñecer como era a vida na Compostela republicana, dun xeito amplo e que chegue a temas do mais variado, con especial atención a elementos da vida cotiá, da educación, da modernización ou da política. Tamén pretende axudar a recuperar unha memoria que quedou borrada ou difuminada durante moitos anos, e que cómpre ver dende unha perspectiva aberta e global.

Descarga O soño roto en pdf

Seminario “José Antonio: Mito y realidad”, por Joan María Thomàs

O 28 de marzo, martes, volven os seminarios de Hispona da man de Joan María Thomàs, que impartirá “José Antonio: Mito y realidad”, centrado na imaxe do mais famoso dos falanxistas españois. Thomàs abordará a mitificación da súa figura, contrastándoa coa realidade do personaxe histórico, algo que abordou en detalle nunha completa biografía publicada este mesmo ano.

Joan Maria Thomàs é profesor da Universidade Rovira i Virgili, e autor de títulos como Falange, Guerra Civil, Franquisme. F.E.T. y de las JONS de Barcelona en els primers anys de règim franquista (1992), Lo que fue la Falange. La falange y los falangistas de José Antonio, Hedilla y la Unificación. Franco y el fin de la Falange Española de las JONS (1999), La Falange de Franco: Fascismo y fascistización en el régimen franquista (1937-1945) (2001); Roosevelt, Franco, and the End of the Second World War (2011), El Gran Golpe. El «caso Hedilla» o cómo Franco se quedó con Falange, Franquistas contra franquistas. Luchas por el poder en la cúpula del régimen de Franco (2016) e o mais recente José Antonio. Realidad y mito (2017).

Día: Martes, 28 de marzo
Hora: 12:00
Lugar: Seminario de Historia Contemporánea. Facultade de Xeografía e Historia, 1ª planta. Santiago de Compostela.

Asinado un convenio de colaboración entre o grupo HISPONA da USC e o Concello de Santiago

O grupo de investigación HISPONA ven de asinar un convenio de colaboración co Departamento de Educación e Cidadanía do Concello de Santiago para a realización dunha unidade didáctica e un itinerario sobre a II República en Santiago de Compostela.

O convenio, asinado o 11 de novembro, contempla a elaboración dunha unidade didáctica para uso dos docentes en ensino secundario, bacharelato e formación profesional, así como a realización dun itinerario e a elaboración do texto dun folleto orientativo sobre o mesmo.

A unidade afondará en aspectos sociais locais da II República, xunto a outros de ámbito galego, de xeito que servirá para facer unha visita pola cidade recuperando elementos da memoria republicana, e tamén para ampliar os coñecementos do alumnado nesta etapa histórica.

De completar estas tarefas se encargan os membros de HISPONA Emilio Grandío Seoane e Alfonso Iglesias Amorín, que contan con varias monografías e publicacións específicas sobre a II República.