Archive for year: 2014

Este mércores, 10 de decembro, Alfonso Iglesias Amorín impartirá o seminario “Historia, Internet e redes sociais”, no que se tratarán diversos temas como a utilidade de Internet para o traballo dos historiadores, a difusión online dos contidos ou o papel que a Historia pode ter nas redes sociales. O seminario está planteado cunha vertente eminentemente práctica.

Alfonso Iglesias Amorín é doutor en Historia pola Universidade de Santiago de Compostela coa recente tese La memoria de las guerras de Marruecos en España (1859-136). As suas liñas de investigación principais son os conflitos bélicos, con especial atención aos derivados do colonialismo español en época Contemporánea; a memoria e os nacionalismos. É autor das monografías Imagen y repercusiones de la Guerra de Cuba en Galicia (1895-1898), I Premio Juana de Vega para investigadores novos; A Galicia da II República (Santiago, 2010); e coautor de Historia de Santiago de Compostela (Santiago, 2012).

Foi responsable durante varios anos dos fondos dixitais do arquivo de fontes orais HISTORGA. Na actualidade leva a web do grupo de investigación HISPONA e a súa difusión nas redes sociais. Tamén é creador da páxina de videoxogos Pixfans, con máis de 50 millóns de visitas.

Día: Miércoles, 10 de diciembre
Hora: 16:00.
Lugar: Aula de Máster. Facultade de Xeografía e Historia.

O xoves, 4 de decembro, Patricia Hertel impartirá a conferencia “Conmemorando la media luna. El Islam y los nacionalismo ibéricos, siglos XIX y XX”.

Patricia Hertel é doctora en historia coa tesis “Der erinnerte Halbmond. Islam und Nationalismus auf der Iberischen Halbinsel im 19. und 20. Jahrhundert”, sobre as relacións entre o Islam e o nacionalismo na península ibérica nos séculos XIX e XX. Dende 2012 é profesora asistente no Departamento de Historia da Universidade de Basilea. Entre os seus temas de investigación destacan a historia cultural, das relixións e os nacionalismos nos séculos XIX e XX, así como as ditaduras europeas e as relacións internacionais.

Día: Xoves 4 de decembro
Hora: 19:00.
Lugar: Sala de Profesores (decanato). Primeira planta da Facultade de Xeografía e Historia.

O mércores, 19 de novembro, José Ramón Rodríguez Lago impartirá o seminario “¿Historia dunha Cruz?. O monumento ós caídos de Vigo. Historia, cidadanía e memoria”.

José Ramón Rodríguez Lago é doutor en Historia pola Universidade de Santiago de Compostela, e actualmente é profesor de Historia Contemporánea na Universidade de Vigo. É especialista na análise da evolución das ideas e as institucións relixiosas na Idade Contemporánea. É autor de publicacións como La Iglesia en la Galicia del franquismo (1936-1965). Clero secular, Acción Católica en la Galicia del nacional-catolicismo (2004), Cruzados o herejes. La religión, la Iglesia y los católicos en la Galicia de la guerra civil (2010) ou Entre la revolución de Portugal y la cruzada de España. La Iglesia gallega entre 1910 y 1936 (2012).

Día: Mércores, 19 de novembro.
Hora: 18:00.
Lugar: Aula do Máster en Historia Contemporánea, Facultade de Xeografía e Historia.

O martes, 22 de abril, Pilar Mera impartirá o seminario “El retorno del sujeto. La biografía política como género histórico”

Pilar Mera é licenciada en Ciencias Políticas e da Administración e en Ciencias da Información pola USC. Foi bolseira do programa de Formación de Profesorado Universitario (FPU) do Ministerio de Educación y Ciencia no departamento de Historia del Pensamiento y los Movimientos Sociales y Políticos da Universidad Complutense de Madrid, departamento ao que sigue vencellada como investigadora. Está ultimando a súa tese doctoral, que levará o título Monárquico, republicano, liberal. Biografía política de Manuel Portela Valladares. As liñas de investigación nas que traballa son: Segunda República, guerra civil e franquismo (con especial atención a Galicia), violencia e control político, eleccións e sistema electoral, biografía política, liberalismo e democracia parlamentaria, masonaría e represión.

Día: Martes, 22 de abril.
Hora: 12:00.
Lugar: Aula do Máster en Historia Contemporánea, Facultade de Xeografía e Historia.